NGITI ng pagdiriwang ang pinakawalan ni Donya Victoria matapos magwagi sa mga card games sa casino. Limpak-limpak na salapi na naman ang nakuha niya. Ilang panahon din ang lumipas bago siya nakabalik sa dating bisyo. Pakiramdam niya’y bumalik siya sa pagkabata.
Puro mayayaman din ang mga nakalaban niya. Ang iba ay mga negosyante pa sa ibang bansa na dumayo roon.
“Saang lugar n’yo ba gustong pumunta? Ililibre ko kayong lahat!” may pagmamalaking anyaya niya sa mga kasama. Tuwang-tuwa naman ang mga ito at nagkanya-kanya nang sambit sa mga lugar na gusto nilang puntahan.
Nahinto sa pag-aayos ng pera ang matanda nang sumingit sa tabi niya si Emily na tila napagod na sa kalilibot sa casino.
”Lola, matagal pa ba ‘yan? I want to go na!”
“I’m not done yet. Kung hindi ka na makapaghintay, mauna
