Ilang minuto lang ang lumipas at nakabalik na ito sa loob ng kotse bitbit ang tatlong malalaking mais na dilaw. Lalo siyang natakam! Na iimagine pa lang niya ang kung gaano ito kabango at ang mga naglilintugan nitong butil ay hindi na siya mapalagay sa kinauupuan niya.
Ganito pala ang pakiramdam na matakam ng sobra sa pagkain kapag buntis ka. Minsan lang siya may maisip na pagkain na masarap kainin at hindi niya kayang hindi ito makuha o mabili. Hinding-hindi!
Kilala siya ni Paulo na pihikan sa pagkain kaya ng sabihin niya na gusto niya ng mais ay ibinili naman siya agad nito. Masarap pala talaga sa pakiramdam na maglihi na nasa tabi mo ang ama ng baby mo, siya ang nag-aasikaso sayo habang hindi ka makakilos at bumibili o nagluluto ng mga pagkaing gusto mong kainin.
Naalala pa niya ng m
