Maaga silang umalis ni Paulo kinabukasan papuntang Batangas. Malamang ay doon siya nito dadalhin sa lugar kung saan siya nito huling dinala ng mamasyal silang magkasama. Hindi naman nia ito matanong ng diretso at baka maghinala ang mga magulang nila na ma namamagitan sa kanilang dalawa.
Malapit na silang makalabas ng expressway ng bigla siyang tanungin ni Paulo. Agad naman niya itong nilingon.
"Babe, nagugutom ka ba? May gusto ka bang kainin?" Tanong nito sa kanya. Kasalukuyan silang nakahinto at maraming sasakyan ang nakapila sa unahan nila na nagbabayad ng toll fee.
Saglit siyang nag-isip ng pagkaing gusto niyang ilaman sa sikmura niya. Hindi pa rin kasi nawawala ang pagduduwal niya kapag may nakain siyang hindi gusto ng sikmura niya. Natural lang naman daw ang ganoong pakiramdam da
