CHLOE
Pagkatapos naming kumain ng hapunan ay si Paulo na ang nagligpit ng pinagkainan namin. Sakto naman na biglang tumunog ang cellphone ko na nasa loob ng pouch na ipinatong ko sa table kung saan kami kumain. Binuksan ko ito saka ko nakita kung sino ang tumatawag.
Si Brix! Hindi nga pala ako nakapagpaalam ng maayos dito. Tangka kong sasagutin ang tawag nito ng bigla ay hablutin ni Paulo ang cellphone mula sa kamay ko at saka nito mabilis na pinatay ang tawag.
"Paulo! Bakit mo pinatay ang tawag ni Brix? Sasabihin ko lang naman na nakauwi na ako at paniguradong nag-aalala yun dahil hindi ako nagpaalam bago umuwi sa kanya." Nawala sa loob na sabi ko sa harap nito. Wala naman akong ibig sabihin sa mga bagay na iyon, naawa lang ako kay Brix at paniguradong hindi mapapalagay ang isa na yun
