Kabanata 80
A L I S O N
Ngunit katatayo pa lang ni Blake para sana iwan ako nang biglang dumating si Nathalia kasama pa si Matteo. Napapikit na lang ako ng mariin at nang dumilat ay pasimple kong tinignan ng masama si Blake. Kanina ko pa kasi siya pinapaalis, nagpatumpik-tumpik pa siya, ayan tuloy naabutan pa siya ng dalawa. Imbes tuloy na umalis siya lumipat na lang siya sa upuang nasa tabi ko habang papalapit sa lamesa namin ang kambal.
Mas lalo tuloy akong nataranta. Hindi ko pa naman pinaghandaan ang araw na ito kaya hindi ko talaga alam kung ano ang sasabihin ko sa kanila, tapos nandito pa si Blake. Mas madali sana kung wala siya dito. Tingin ko mas kakayanin kong magpaliwanag sa mga kaibigan ko kung wala siya.
Bakas ang paninibago sa ekspresyon ni Nathalia habang ang kay Matteo
