Kabanata 82
M A T T E O
Tinapon ko agad ang yosi na hawak ko nang makita ko siyang lumabas mula sa building nila. May mga kasama siyang kaibigan pero nang natanaw niya ako ay agad siyang nagpaalam sa mga ito para lumapit sa akin.
Matalim ang mga mata niya nang tuluyang nakalapit sa akin. Luminga-linga siya sa paligid niya bago ako hinila sa likod ng isang malaking puno kung saan walang makakakita agad sa amin.
"Akala ko ba nagkalinawan na tayong titigilan mo na ako? Bakit nandito ka nanaman?" may bahid ng galit sa tonong sabi niya.
Iniwas ko ang tingin ko sa kanya. Sa tuwing nakikita ko ang mga mapupungay na mga mata niya pakiramdam ko mas lalo akong nababaon sa nararamdaman ko na 'to. Mas lalo akong nahuhumaling sa kanya at parang ang hirap-hirap kumawala sa kakaibang pakiramdam na
