Kabanata 38
A L I S O N
Pagkatapos ng maliit na usapan namin ni Kenzo sa text ay nakatulog na din naman agad ako. Bukas ng umaga ko na lang sasabihin kay mama na pupunta dito si Kenzo para makapagluto siya ng maaga kung sakaling mapaaga ang punta ni Kenzo. Tumulong na muna ako sa ibang gawaing bahay bago ako naligo at nagbihis.
Nang matapos ako sa mga kailangan kong gawin ay bumalik ako sa kusina para silipin si mama at ang niluluto niya.
“Ma, si Alisa?” tanong ko nang mapansin kong hindi pa din lumalabas ang kapatid ko sa kwarto niya.
“Nasa kaklase niya ang kapatid mo. Hindi umuwi kagabi dahil may tinatapos daw na report.”
Kumunot ang noo ko, agad na nagduda sa rason ng kapatid.
“Saan naman po nakatira ang kaklase niya na ‘yon?”
“Diyan lang naman daw sa malapit, anak.”
“Sa malapi
