Kabanata 27
A L I S O N
Nang dumating ang lunch break hinanda ko na ang sarili ko sa mga maaring mangyari at sa mga kuryosong mga mata. Nang lumabas kami ng mga kaibigan ko para magtungo sa cafeteria ay pinagtitinginan na ako ng mga estudyante at alam ko naman kung anong dahilan noon. Dahil iyon sa ginawa ni Blake kaninang umaga. Naiintindihan ko naman ‘yong iba na may kuryosong tingin sa akin, ang hindi ko lang matanggap ay iyong may mga galit na tingin sa akin na akala mo naman talaga ay may masama akong nagawa sa kanila.
Sa totoo lang wala naman talaga akong pakialam kung magalit sila sa akin, pero sana naman bago sila magalit sa akin, isipin muna nila na wala naman akong ginagawang mali sa kanila. Kung alam lang nila na ayaw na ayaw ko naman talaga sa Blake na iyon. Minsan tuloy nai
