Kabanata 85
A L I S O N
Umupa si Blake ng bangkang sakto lang sa aming dalawa.
“First time mo din dito?” tanong ko kay Blake habang nagsasagwan.
Magkaharap ang upo naming dalawa. Tumango siya.
“I don't like going to parks, so the answer is yes, it's also my first time here.”
Kumunot naman ang noo ko sa naging sagot niya. Ayaw niya pa lang nagpupunta sa mga park, eh, bakit dito niya ako dinala? Siguro nakita niyang maganda ang lugar na itong pasyalan kahit gabi kaya naisip niyang dito ako dalhin kahit na sinasabi niyang hindi siya mahilig pumunta sa mga ganitong klaseng lugar.
“Akala ko ba mahilig ka sa mga bata, bakit ayaw mo sa mga park?”
Nagsalubong ang mga kilay niya.
“Wala akong sinabing mahilig ako sa mga bata. Ang sabi ko naaalala ko lang ang kapatid ko sa kanila.”
Ngumuso
