Kabanata 32
A L I S O N
Nang huminto ang sasakyan niya ay hindi na ako naghintay na pagbuksan niya ako ng pinto. Lumabas na agad ako ng sasakyan niya at gaya ng inaasahan ko, lumabas din siya doon. Umikot siya at lumapit sa kinatatayuan ko. Ngumiti ako sa kanya at ipinakita ang paper bag kung saan nakalagay ang tupperware ng niluto niya.
“Salamat ulit dito. Ingat ka.”
Tumango siya at namulsa. Sinulyapan niya ang loob ng bahay namin na para bang gusto niyang imbitahan ko siya sa loob. Sinimangutan ko siya.
“Kung gusto mong pumasok sa loob, maaga ka pumunta dito. Gabi na, bawal na ang bisita,” sabi ko.
Unti-unting umusbong ang ngiti niya.
“Talaga? Pwede akong bumisita dito basta maaga?”
Umirap ako.
“Kasasabi ko lang, di ba?”
Lumawak ang kanyang ngiti.
“Ano naman ang ipapakilala mo
