Kabanata 61
A L I S O N
“Pero hindi ba nagkasundo tayo na sa atin lang muna ito at walang pwedeng makaalam na iba?”
Tumalim ang tingin sa akin ni Blake, halatang iritado na ngayon, ngunit wala namang sinabi. O sadyang nagpipigil lang siyang may masabi dahil baka mauwi nanaman ito sa pagtatalo naming dalawa.
Yumuko ako at bumuntong hininga.
“Ayos lang naman sa akin na ipakilala mo sa magulang mo pero pwede bang huwag muna ngayon?”
“Bakit? Dahil hindi ka sigurado kung magtatagal ba tayo?” may bahid ng sama ng loob niyang sabi.
Bumuntong hininga ako at agad na umiling.
“Hindi naman sa ganoon, Blake. Ayaw ko lang magpadalos-dalos tayo lalo na at pareho tayong bago pa lang sa ganito. Gusto kong magdahan-dahan muna tayo.”
Suminghap siya at tumango, hindi na kumibo. Lumipat ang tingin n
