***Irene POV***
"TAY, saan po kayo pupunta?" tanong ko kay tatay at tumakbo palapit sa kanya. May dala syang tray na may dalang pagkain.
"Dadalhan nyo po ng pagkain yong bihag? Sama po ako."
Nilingon ako ni tatay. "Hindi ka sasama. Dito ka lang," mariin nyang turan at nagtuloy-tuloy na sa paglalakad patungo sa bodega.
Napanguso ako at sumunod pa rin kay tatay. Pero doon lang ako sa bintana para makita ang bihag.
Gaya nang una kong makita ang bihag ay nakasalampak pa rin sya sa sahig at nakagapos. Nakayuko ang kanyang ulo at may tuyo pa ring dugo sa gilid ng kanyang ulo at pisngi.
Nakita ko si tatay na pumasok na kasunod ang dalawang tauhan. Nilapag ni tatay ang tray sa sahig malapit sa bihag. Lumapit naman ang isang tauhan sa bihag at dinunggol-dunggol nito ng paa ang binti nito
