“Ano na, Reign? May contact ka na ba nu’ng guy na nakita mo sa Siargao?” tanong ni Keziah habang naglalakad kami papunta sa cafeteria. Lunch break na at didiretso na kami roon para kumain.
Naiinis na nagdabog si Reign. “Hindi pa nga, eh. Paano ko malalaman details niya, eh, hindi ko naman nakausap ‘yon. Sayang talaga!”
Ang tinutukoy nilang lalaki ay ang nakita namin noong nag-stop kami sa isang souvenir shop bago umuwing Manila. Sa hula namin, isa siya sa tauhan sa shop na iyon dahil isa siya sa mga nag-assist sa amin.
Nang makita ni Reign ang lalaki, hindi na ito natigil sa pagmamasid sa binata. Well, hindi ko naman itatangging gwapo nga iyon. Nakahalata kami agad ni Kez na may gusto siya roon dahil natameme ito nang mag-abot ng bayad sa lalaki. Hindi naman ganoon ang kaibigan namin. F
