Gumaan ang loob ko nang makita sa labas ng bintana ng kotse na nasa tapat na kami ng bahay. Kumawala na muna ako ng malalim na hininga bago lumingon sa taong naghatid sa akin.
Si Franco.
Hinayaan ko siyang sundan niya ako kanina at wala sa oras na nakapag-usap kami dahil sa pag-iwas ko kay Caleb. Dumaan kami sa isang cofee shop malapit sa University at doon, binigyan ko ng oras si Franco upang sabihin ang lahat ng nais niyang sabihin. Nalaman ko ang lahat ng nangyari, hanggang sa naging buhay niya sa States kasama si Trisha ay isinalaysay nito.
Naging klaro na sa akin kung sino talaga si Trisha sa buhay ni Caleb at maging sa buhay ni Franco. Ang sabi nito, si Trisha ay isang kaibigan lamang para kay Franco. Nagkasundo ang kanilang mga magulang sa isang marriage contract na agad
