“I need that fake medical documents as soon as possible! Iyan ang ipapakita ko kay Caleb para mapaaga ang kasal naming dalawa. Kailangan ko nang mamadaliin ang kasal bago pa magdalawang-isip si Caleb at baka agawin pa ng bruhang Brittany ang dapat na sa akin. Kaya please, gawan niyo ng paraan. Dapat maniwala si Caleb na malubha na ang sakit ko o kaya kung mas maganda ay sabihin niyong may taning na ang buhay ko nang maikasal na kami agad.”
Dahil sa gulat, hindi ko sinasadyang mapahawak ako sa pinto dahilan para makalikha ito ng ingay.
Tumigil si Trisha sa pagsasalita. Narinig niya ang pagkalabog ko ng pinto. “Sino ‘yan?” Bakas sa boses nito ang kaba.
Narinig kong inisa-isa niyang binuksan ang nakasarang cubicle na wala namang tao sa loob. Nasa dulong cubicle ako kaya hindi pa n
