UNIT FOR RENT!
Parang binuhusan ng napakalamig na tubig si Michael matapos niyang mabasa ang nakasulat sa labas ng pintuan ng unit ni Sandy.
Ibig sabihin nu'n, talagang iniwan na siya nito nang tuluyan!
Dahan-dahan niyang binuksan ang pintuan saka siya pumasok sa loob.
"Bakit ngayon ka lang?" Napalingon siya sa bandang kitchen area ng unit ni Sandy nang marinig niya ang boses nito at mula roon ay lumabas ang kanyang asawa na nakangiti pa nang kaytamis.
"Kanina pa kita hinihintay," sabi pa nito habang nakatingin sa kanya.
Pinagmasdan niya ito at nakita niyang nakasuot ito ng apron at may hawak pang sandok sa kanan nitong kamay.
Napabaling siya sa ibang side ng unit na 'yon habang umiiyak siya. Ang buong akala niya ay iniwan na siya nito pero...
Bigla siyang natigilan nang sa kanyan
