"Sandy?" mangiyak-ngiyak na tawag ni Michael sa kanyang asawa nang naipasok na ito sa emergency room.
Agad naman siyang hinarangan ni Romnick dahil sa galit na nararamdaman nito para sa kanya.
"Stay away from her," matigas na tugon ni Romnick.
Naguguluhan siya sa mga nangyayari at talagang hindi ito mag-sink-in sa kanyang utak dahil sa sobrang gulo na.
"Ikaw ang dapat na lumayo sa asawa ko!" sigaw ni Michael.
"Babe!" agad na awat ni Cathy kay Romnick nang akma sanang susuntukin nito si Michael saka matapang na hinarap niya ang asawa ni Sandy.
"Alam mo ba kung ano ang nangyayari sa asawa mo?" tanong ni Cathy rito.
"Huwag mo ng sabihin sa kanya ang lahat dahil kahit sabihin mo pa sa kanya ng detalyado, hindi pa rin niya magawang paniwalaan ang asawa niya dahil para sa kanya, masama
