Inihinto ni Lio ang sasakyan sa harapan ng bahay ni Didi. Matapos sumama ng pakiramdam ng dalaga ay nagpaalam na ito na mauuna nang umuwi. Magta-taxi na lang raw ito. Bagay na mahigpit niyang tinutulan gayundin ni Greta. Sa kaso niya, hindi niya hahayaang sumakay ng taxi at umuwing mag-isa si Didi kahit pa hindi masama ang pakiramdam nito. Mas lalo naman kung ganitong parang hinang-hina at nahihilo pa ang dalaga. Baka bigla na lang itong mawalan ng malay sa loob ng taxi. Sa kaso naman ni Greta, ayaw pumayag ng babae na mauna nang umuwi si Didi dahil mawawalan ng driver ang mga bridesmaids nito.
Kaya naman sinabihan niya si Greta na pagkahatid niya kay Didi sa bahay ng dalaga ay babalik agad s
