"GALIT AKO!" Itinulak ni Hershey ang ulo ni Katrina kahit nakaayos na ang buhok nito. Napagdesisyunan nilang isang intimate dinner na lang para sa lahat ang magaganap. Inanunsyo nilang secret na ikinasal sila.
"Maid of honor ako eh!" Buong panghihinayang na wika ni Hershey. "Ang guguwapo pa naman ng mga kaibigan ni Algin! Sino kaya doon ang makakapartner ko dapat?"
"Si Eros." Tumawa si Katrina.
"Yung crush mo? Naku sayang naman! Nakita ko sa magazine iyon. Very single daw iyon!"
"Basta guwapo, ang lakas-lakas ng radar mo."
"Siyempre. Kailangang lumagare. Naiuwi ng kakambal ko ang isa sa most sought after bachelors, hindi maaring magpahuli din ako."
"Dasal lang, dasal lang talaga.." Biro ni Katrina.
"Ang ganda-ganda mo.." Iniwan sila ng make-up artist at mahigpit na niyakap ni Hershe
