ALAS SINGKO NA PALA, malapit na naman ang uwi ni Clarise, hindi ganoon karami ang customers nila ngunit parang pagod na pagod ang pakiramdam niya.
Hindi na nga bumalik pa si Marko kaya sobrang kahungkagan tuloy ang nararamdaman niya.
“Hindi naman tayo busy, ah? Pero bakit parang pinagbagsakan ka ng langit at lupa? Para kang nanlalata?” puna ni Kristy sa itsura niya. Tinatamad na sinulyapan niya ito.
“Namimis mo siya, ‘noh?” patuloy na pagsasalita nito na sinamahan na naman ng pangbubuyo.
“Sino?” kunwari ay wala siyang malay kung sino ang tinutukoy nito.
“Asus, kunwari pa ‘to, akala mo siguro hindi ko napapansin na palagi kang nakatingin sa labas, halos magmukha ka na ngang giraffe dahil nagkakandahaba-haba ang leeg mo kanina. Daig mo pa ang tsismosa,” mahabang litanya nito na ikinal
