"Okay ka lang, Kesia?" tanong ng boss ni Kesia na si Ryan ng napansin nito na nakatulala si Kesia at tumigil ito sa pagluluto. Hindi nga rin nito napansin na may tumalsik na mantika sa kamay niya.
Kanina niya pa lang napapansin na bumubuntong ng hininga si Kesia at minsan ay nahuhuli niya itong nakatulala lang at hindi nga siya marinig.
Pang dalawang araw na ni Kesia dito at ngayon niya pa lang niya ito nakita na umakto ng ganito. Ang kilala niyang Kesia ay madaldal at laging nagsasabi ng dirty jokes at laging nakikipag-biruan sa mga customers pero ngayon ay wala siyang narinig simula pa noong umaga.
'Hindi kaya araw niya ngayon at sobrang sakit ng puson niya?' Hindi maiwasan ni Ryan na tanongin ang sarili. Bilang bunso ng limang mga Ate ay alam niya kung gaano kasakit ito sa mga bab
