Nagdaan ang tatlong araw mula nang kami ay interbyuhin para sa trabaho. At ngayon pa lang namin naipasa ang hinihinging medical records namin bago kami makapag-simula sa trabaho.
“Maaari na kayong magsimula bukas sa trabaho,” sabi samin ni Ms. Aila.
“Talaga ba? Maraming salamat po,” pasasalamat naman namin.
“Oo naman. ‘Di ko tatanggian ang sinumang mga kaibigan ni Andrew. At syempre, alam kong magugustuhan na kayo agad ng owner,” nakangiting sabi niya na nakapagpataka naman sa’kin. “Welcome to the Mariano Eatery, new part-timers.”
May kumatok naman sa may pinto at bumungad do’n si Drew.
“Hi Drew, I was just about to call you. Gusto ko sanang sabihin sa’yo na maaari nang makapagtrabaho ang mga kaibigan mo simula bukas,” nakangiting sabi ni Ms. Aila kay Drew at tumayo pa siya para lapit
