…
“Ayos ka na ba? Gusto mo bang kuhanan kita ng tubig?” rinig kong tanong sa’kin ni Tita Sally.
“Okay na po ako. Sigurado rin pong padating na rin ang Papa ko para sunduin ako,” tugon ko naman.
Nakaupo pa rin ako rito habang pilit inaalis sa utak ko yo’ng nangyaring sagutan namin kanina ng Daddy ni Matthew. Medyo may kaba rin dala nang pagbabanta niya kanina at sa maaari niyang gawin sa mga susunod pang araw lalo na sa’kin.
“Pasensya ka na hija kung pati ikaw ay nadadamay na sa problema ng pamilya namin,” paghingi ng tawad ni Tita.
“Okay lang po, Tita. Naging importante na rin po kayo sa’kin. At isa pa, may kasalanan din ako dahil sa pagpapapasok ko kay Matthew sa buhay ko. Kung sana iniwasan ko siya, hindi sana aabot sa gan’to,” malungkot kong pahayag habang nakayuko sa kan’ya.
“Huw
