ZILLENE MADRIGAL
NAKAKABINGING katahimikan ang bumalot sa paligid. Mukha namang wala pang balak na umalis ng lalaking 'to. Kung hindi lang nakakahiya ay kanina ko pa itong pinaalis pero hindi ko naman pwedeng gawin iyon dahil bukod sa ito ang nagbabayad ng tuition fee ko ay siya rin sa ang mayor namin ngayon.
Peke akong umubo. "Gusto niyo po ba ng maiinom?" alok ko.
"If you insist," sagot niya.
Tumayo ako upang ipagtimpla ito ng kape. Kapeng barako lang naririto, ito ang madalas na pinapatimpla sa akin ni Papa kaya iyon ang itinimpla ko.
Hindi ko nga man lang alam kung mahilig sa ganitong kape si Mayor dahil wala akong kaide-ideya sa mga gusto nito. Ang tanging alam ko lang ay mahilig siya sa adobo at wala ng iba.
Hindi ako sigurado sa panlasa niya kaya naman kung ano lang ang kla
