‘Ano ba talaga ang kulang rito? Bakit hindi ako makuntento sa gawa ko?’ naitanong ni Sky sa sarili habang nakatitig sa ini-sketch niyang mukha ni Bram.
Naroon siya sa isang mesa sa second floor ng Yoghurt House. Hindi siya mahilig sa yoghurt pero gusto lang niyang matikman ang ipinagmamalaki ni Mabel na yoghurt doon. At doon rin sila nagkasundong magkikita ni Bram at ng isasama nitong babae na walang iba kundi si Janice de Leon.
Apparently, ang tinutukoy ni Bram na kliyente nito dito sa Sagada ay walang iba kung hindi si Lolo Alfonso. Bago pa siya dumating dito sa Sagada ay ipinahanap na ng lolo niya kay Bram ang nanay ni Pierce. Taga-Tarlac lang pala ang babae. At nang malaman ng babae na narito sa Sagada si Pierce ay agad itong bumiy
