‘Parang hindi maganda ang patutunguhan nito’, iyon ang nasa loob-loob ni Sky patungkol sa pag-uusap nila ngayon ni Bram. Naroon sila sa loob ng Sagada Lemon Pie House. It has a warm, cozy and romantic atmosphere. Medyo dim ang mga ilaw. Bagay na bagay sa log cabin na disenyo ng kainan. Mabababa ang mga mesang yari sa kahoy kaya sa sahig ka uupo. Mayroon din namang mababang mesa na may maliliit na silyang yari din sa kahoy. Pero dahil sa tangkad nila ni Bram, mahihirapan sila parehong pagkasyahin ang mga sarili nila sa silya kaya hindi sila roon pumwesto.
Kanina nang sa wakas ay sagutin ni Bram ang tawag ni Sky at pumayag na makipagkita sa kanya dito sa Sagada Lemon Pie House, akala niya senyales na iyon na handa nang makinig sa katw
