Jassie POV
Hinatid ako ni Keano sa café na pinagtatrabahuhan ko.
Tahimik ang biyahe. Hindi tulad kagabi. Hindi tulad kaninang umaga.
Pagdating namin, tumingin siya sa paligid.
“Dito ka ba nagwo-work?” tanong niya habang sinusuri ang harap ng café. “Parang pumunta na kami ni Ashley dito two days ago. Diyan lang kasi ang condo niya.”
Diretso kong sinabi, “Oo. Nakita ko kayo. Kaya ako nagtago.”
Napatingin siya sa akin, tapos binatukan niya ako. Mahina lang, pero nakakagulat.
“Ikaw talaga, pasaway,” sabi niya. “Bakit hindi ka lumapit sa amin?”
“Aray! Masakit ha!” inis kong sagot sabay hawak sa ulo ko.
Bahagya siyang natawa, pero agad ding nagseryoso.
“Sorry, Jas, kung na-offend ka sa sinabi ko… o sa mga ginawa ko.” Bumuntong-hininga siya. “Gusto ko lang maging okay tayo. Magkasundo.”
