Jassie POV
Kaya ako gumanti sa halik ni Keano… dahil matagal ko na siyang gusto.
Matagal ko na iyong kinikimkim.
Ang totoo… masaya ako nang ikasal kami. Kahit pa kasal lang iyon sa papel.
Pero sa bawat araw na kasama ko siya, mas lalo kong nararamdaman ang pagitan namin.
Wala akong nakikitang pagmamahal sa mga mata niya.
Parang pumayag lang siya sa kasal dahil kailangan.
Naalala ko pa ang sinabi niya noon.
“Don’t fall in love with me.”
Napapikit ako habang patuloy ang pag-agos ng luha ko.
Ayokong makasakal sa isang lalaking hindi ako mahal.
Ayokong maging pabigat.
Ayokong matulad kay Mama… na iniwan na lang balang araw.
At Hindi nga malinaw ang namagitan kay Keano at Ashley.
Mas lalo akong napaiyak nang maalala ko ang sinabi ni Keano kanina.
Na parang iniinsulto niya ako.
