Dalawang linggong pinaglamay ni Gennie ang kaniyang ina. Dumating din ang kaniyang Kuya Nono kasama ang asawa nitong si Maymay at ang tatlong taong gulang na anak nito. Halos hindi rin mapatid ang pag-iyak ni Nono nang muling masilayan ang ina sa loob ng kabaong. Malaki rin ang pagsisisi nito dahil hindi na siya nakabalik bago pumanaw ang kaniyang ina. Hindi rin nakita ni Aling Bibang ang anak nito at ang kaniyang apo kay Nono.
“Gen, patawarin mo sana ako. Walang oras at araw na hindi ko kayo inisip lalo na si Inay. Naging madalang na rin ang pagpunta ko rito dahil sa aking trabaho. Nasa malayong lugar na rin kasi ako nadestino. Hinikayat ako ng aking kaibigang si Marvin na sa isang pabrika magtrabaho. Hindi na ako tumanggi dahil mas doble ang kinita ko roon kaysa dati kong pinagtatrabahu
