Kumakain na si Ingrid at Yuna, pero si Ingrid ay tila hindi makakain ng ayos. Hindi niya alam kung ano ang nangyayari sa kanya at saka parang masusuka siya. Kaya naman kanina pa siya patigil-tigil sa pagkain at panay ang inom ng juice na nasa tabi nila.
Napansin naman ito ni Yuna, kaya naman pinagmasdan niya si Ingrid. Ang mukha nito ay namumutla at saka parang lambot na lambot ang katawan. Ang mukha kasi nito ay hindi maipinta ni Yuna, kaya naman ang noo niya ay kusang kumunot.
"Ayos ka lang ba? Bakit parang ang putla mo?" Nang marinig ito ni Ingrid ay agad siyang napatingin sa kaibigan. Ang mukha niya ay hindi pa rin nagbabago at saka nagkibitbalikat na lamang. Wala siyang lakas ng loob na magsalita dahil talagang nanghihina siya.
"Tinatanong kita Ingrid, bakit parang ang putl—"
