Kinabukasan, nagising si Ingrid na may naririnig siyang katok sa pinto ng kanyang kwarto. Ayaw pa niyang bumangon dahil kulang na kulang pa siya sa tulog. Kaya naman siya ay tumalikod at saka nagtalakbong, pero muli siyang napakamot sa ulo nang lumakas ang ingay sa labas ng kanyang kwarto.
"Ingrid! Buksan mo itong pinto at kailangan mo ng maligo. Nagmamadali na si sir," sigaw ni Lucie at panay pa rin ang katok nito. Hindi pinansin ni Ingrid kung ano ang mga sinabi nito. Basta ang alam niya ay gusto niyang matulog. Hindi rin niya alam kung ano ang dahilan nito kung bakit kailangan niyang ginising nang maaga.
Pero laking gulat na lang ni Ingrid ng mawalan siya ng kumot at agad napabangon.
"Ano bang problema? Natutulog 'yong tao," inis na sambit niya at nang imulat niya ang kanyang mga m
