Nang makalabas ng hospital si Ingrid, hindi muna siya pinayagan ni Pierce na pumasok. Kaya naman ngayon ay nandito siya sa bahay at nagpapahinga, kahit na okay na siya. Mamaya rin kasi ay nandito ang buong pamilya ni Pierce at Astriece dahil sa balita nila. Kailangan nilang magcelebrate, pero sila-sila lang muna. Ayaw kasi ni Pierce na ipaalam ito sa lahat at saka makakabuti iyon sa kanila.
Si Ingrid ay nakaupo sa kama habang nakatingin sa salamin. Ang tapat kasi ng kanilang kama ay isang napakalaking salamin. Kitang-kita niya ang itsura niyang inis na inis dahil hindi siya makaalis sa kama. Tila kailangan niyang magpahinga ng isang linggo rito para maniwala sa kanya si Pierce na okay na siya.
"Grabe naman, kanina pa ako naiinip. Halos tatlong oras na akong gising, pero hindi pa ako na
