Parang akong tinakasan ng dugo sa isiping ‘yon. Ang lakas ng kabog ng dibdib ko. Nanginginig ang mga kamay kong nakahawak nang mahigpit sa manubela. f**k! Ano'ng nagawa ko?
“Damn me!” napamura na lang ako habang mabilis na niliko ang aking sasakyan at pinaharurot ‘yon agad. Habang nagmamaneho upang balikan siya ay kung ano-anong pumapasok sa isipan ko. Baka kung napano na siya o baka may nangyari na sa kanyang hindi maganda. f**k! Hindi ko mapapatawad ang sarili ko kapag may masamang nangyari sa kanya. Halos paliparin ko na ang sasakyan ko makabalik lang muli sa lugar kung saan ko siya iniwan. Hindi na 'ko makapag-isip nang maayos! Ang iniisip ko lang ngayon ay siya, ang kalagayan niya.
Ilang sandali pa ay nasa lugar na nga ‘ko kung saan ko siya iniwan kanina pero ni anino niya ay hindi
