ELLYZA
Mula nung nakuwento ko na sa mga magulang ko ang nangyari sa amin ni Jeremiah ay hindi ko na malaman pa ang susunod kong gagawin. Walang pumapasok sa aking isipan kung ano ba ang totoong dahilan kung bakit nagkaganun si Jeremiah. Ang tanging sinabi na lang sa akin nina mama at papa ay wala akong malalaman kung hindi ko siya tatanungin. Kung hindi man siya sumagot sa akin sa call, pwede ko naman daw siyang puntahan sa tirahan nila dahil alam ko naman na raw kung saan siya nakatira. Ang problema nga lang doon ay hindi ko pa natatandaan ang daan patungo sa kanilang school o sa mismong condominium sa katabing tower ng sa amin. Mahirap namang manghula ng daraanan dahil baka kung saan-saan lang ako makaabot at maligaw pa ako ng landas. Kaya, napagdesisyunan ko na lang sa sarili ko na huw
