ELLYZA
Nang makapasok na si Reona sa loob ng kanyang bahay ay agad na sumakay si Toph sa kanyang motor, ngunit sa kadahilanang isang helmet lang ang mayroon siya ay mas minabuti niyang ako na lang ang magsuot niyon. “Kung madisgrasya man tayo, ‘wag naman sana, at least maliligtas ka. Kahit na hindi na ako. Mas mahalaga naman ang role mo sa mundo kaysa sa akin eh,” pagbibiro niya. “Hop on.” Utos niya sa akin kaya dali-dali akong umangkas sa likuran ng motor at tsaka ako humawak sa likod ng kinauupuan ko. Ayaw kong kumapit sa kanyang dibdib o maski sa tiyan niya dahil gusto kong kay Jeremiah ko lang iyon magagawa at wala ng iba pang lalaki. Hindi ko naman makokontrol na makipagyakap kay Reona o kaya sa mga magulang ko. Ang mahalaga ay hindi ako basta-basta yayakap sa iba’t ibang mga lalaki
