ELLYZA
“Pwede bang makinig na lang muna kayo sa kwento ko bago kayo magsalita o mag-react? Gusto ko kasi sanang ipaliwanag na muna sa inyo kung ano ‘yung problema para maging malinaw sa inyo at hindi na kayo puro tanong kung hindi pa naman ako tapos magkwento. Patapusin niyo na muna akong magsalita, okay?” tanong ko sa kanilang dalawa at nauna namang tumango sa akin si Toph dahil siya naman ang kaharap ko at nang lumingon ako kay Reona ay napatango na lang din siya. Mukha namang parehas na silang nakahandang makinig sa akin kaya’t sinimulan ko na ang aking pagkukwento patungkol sa nangyari kahapon at kaninang umaga bago ako pumasok sa school. Sinimulan ko ang kwento nung nakarating na kami sa basketball court, ‘yung naganap kay Kris hanggang sa ihatid na niya kami sa bahay ni Reona at doo
