ELLYZA
Nang marinig ko na ang paliwanag ni Toph ay agad din akong napaniwala na iyon talaga ang tunay na dahilan kung bakit bigla na lang nanlamig sa akin si Jeremiah. “Ano kaya pwede kong gawin para makabawi sa pagkakamali ko?” nanlulumong tanong ko pa sa kanila upang makahingi ako ng kanilang opinyon. Mahina ako sa mga ganitong klaseng bagay at hindi naman din ako sanay na sumuyo ng kahit na sino, mapa-lalaki man o babae, dahil nga naka-focus lang naman sa isipan ko ang pag-aaral at wala ng iba pa. “Baka kasi kapag tinawagan ko pa siya ngayon ay hindi na lang din niya sagutin kasi alam niyang maaaksaya ko lang ang oras niya dahil wala rin naman akong sasabihin sa kanyang mabuti. Baka mula ngayon ay umiwas na siya sa akin at hindi na rin kami magkita pa kahit pa magiging parehas na ang a
