CHAPTER 39
THIRD PERSON POV
Sa mga oras na tila payapa ang rancho kung kailan ang hangin ay amoy dayami at ang mga kabayo’y dahan-dahang humihinga sa kani-kanilang kuwadra doon unti-unting sumisiksik ang panganib. Hindi ito dumadating nang may ingay. Hindi rin ito sumisigaw. Dumarating ito na parang anino: tahimik, tiyak, at handang manlinlang.
Sa gilid ng bakuran, may isang babaeng nakatayo sa lilim ng punong acacia. Matangos ang ilong, makinis ang kutis, at ang buhok mahaba, maitim, at may alon na pamilyar sa sinumang nakakakilala kay Syviel. Ngunit kung tititigan nang mas mabuti, may kakaiba. Ang mga mata niya’y may kislap na hindi inosente; ang ngiti’y hindi lambing kundi kalkulasyon.
Si Preah Uella Agoutis, dalawampu’t siyam na taong gulang half-sister ni Syviel.
Kung may isang b
