Emay Malidom
"I'm sorry, Nicole. Hindi ka na tuloy nakapasok sa trabaho dahil sa pagbabantay mo sa akin," wika ko habang inaayos ang aking sarili.
"Okay lang 'yon. Maaga akong umalis kanina para makapagbihis din. Sabay na tayo, pupunta din kasi ako ng RJVCc. Andun kasi si Ms. Vhiel ngayon," nakangiting tugon nito.
"Sure ka na ba sa plano mo?" tanong nito habang naglalakad kami papunta sa kanyang kotse.
"Oo. Magwi-withdraw ako ng pera mamaya. Ibabalik ko sa finance office 'yung pinasahod sa akin. At 'yung shares ko sa Sandra’s Clothing, pinakiusapan ko si Ma’am Sandra na ibayad sa sinasabi ni Lj na winaldas kong pera ng kumpanya."
Hindi sang-ayon si Nicole sa plano ko, pero ito na lang ang alam kong paraan para hindi ako magkaroon ng utang kay Lj. Gusto kong lumayo nang walang iniisip
