Lj
"Iha, wala ka na namang imik diyan. Okay ka lang ba talaga?" nag-aalalang tanong ni Mama.
"Okay lang ako, Ma. Babalik na ako ng Pangasinan bukas para sa launching ng bagong cellphone unit ng RJVC. Kaya masyado na akong magiging abala sa ngayon," seryoso kong sagot habang nilalaro ang remote ng TV.
"Good morning, Ma. Hi, Ate LJ!" nakangiting bungad ni Akhi. Dito na siya pinatira ni Mama kahit ayaw ko. Wala naman akong magagawa.
"Kumusta ang pagtuturo mo, Nak?" tanong ni Mama.
"Okay naman, Ma. Siya nga pala, Ate LJ, nag-uusap pa ba kayo ni Ate Vhiel? Wala na ba sila ni Sir Adrian?" tanong niya habang nakatitig sa akin.
"Sila pa din. Bakit?" malamig kong tugon.
Halatang tila tuliro ito at hindi mapakali. "Eh kasi, Ate, di ko sure pero may jowa pang isa si Sir Adrian bukod kay Ate V
