GWEN’S POV
Hinatid lamang ako ni Professor Kian sa school at sandaling nanatili upang paalalahanan ang dalawang bantay na kasama ko. Dapat ay isa lang pero masyado itong nagpumilit at kung hindi daw ako papayag ay siya na lamang daw ang magpapaiwan. Pumayag na lang ako bago pa humaba ang aming pag-uusap.
Pagpasok pa lang ng school ay ibang-iba na ang tingin sa akin ng lahat. Malayo sa nakasanayan kong mapanghusgang mga mata. Ang iba ay mukhang medyo takot at ilag lalo na ang mga estudyanteng madalas na mangkutya sa akin samantalang ang iba naman ay nakangiti na parang walang nangyari. May mga bumabati pa sa akin at tinatawag ang aking pangalan kagaya na lamang ng dati noong hindi pa nila nalalaman ang tungkol sa relasyon namin ni Professor.
Lahat ay nagbago simula ng malaman nila na
