Patuloy pa ring nanlalamig ang mga kamay ni Dinnah habang kasama niya si Manang Sonia sa paglilinis ng malaking kwarto sa dako pa ng ikalawang palapag – ito raw ay ang dating silid-tulugan ni John noong bata pa siya. Dahan-dahan niyang pinupunasan ang mga salamin ng mga bintana gamit ang tela na itinuro sa kanya ni Manang Sonia, ngunit minsan-minsan ay napapatingin siya sa bintana, nakatingin sa direksyon ng opisina ni John na nasa ikatlong palapag. May opisina rin kasi ito sa ikatlong palapag ng mansyon na ito.
"Huwag mo nang isipin ang lahat. Kundi focus ka ngayon sa trabaho mo at kung paano ka makaalis rito. Kasi alam mo, Dinnah, kawawa ka kung maabutan ka dito ng ilang buwan. Paano kung hindi na talaga magpakita ang kakambal mo? Idi ikaw ang magiging kawawa," ani Manang Sonia habang m
