Kung kanina ay payapang-payapa pa ang pakiramdam ko dahil sa nakagagaan na tanawin, ngayon ay isang nakakaiyak na pangyayari ang nasasaksihan ko.
Hindi na ako makapaghintay sa susunod na mangyayari. Sa tingin ko ay magpapakita na naman si Samaria o kung sino man sa mga sugo niya. Kung ganoon man ang mangyayari, ibig sabihin lang niyon ay gumagawa na nga ng hakbang si Samaria noon pa man. At ang digmaan ang pinakahuling bala niya para tuluyan siyang makawala sa Bundok ng Kadiliman na iyon.
Ngayon ko lang din naisip kung saan kaya ang Bundok ng Kadiliman? Kung sakop ni Samaria ang kalahati ng Azaram, ibig sabihin kaya ay naroroon din ang Bundok ng Kadiliman? Posible.
Naagaw ang atensyo ko nang biglang nagdilim ang buong kalangitan. Mukhang tama nga ako, dahil hindi nagtagal ay nagsalita n
