"Doble ingat ka pa misis. Alalahanin mong mahina ang kapit ng baby mo. Iwasang mastress. Bibigyan kita ng vitamins at pangpakapit. Kung kaya mo namang nakabedrest lang much better." Bilin ng OBgyn niya.
Four months na siyang buntis. At hirap na hirap siya. Payat na payat narin siya dahil maselan siyang maglihi. Gatas at kanin lang talaga ang kinakain niya. Halos hindi pa niya kayang kumain ng kanin dahil ayaw tanggapin ng sikmura niya. Tumigil na din siya sa pagtratrabaho sa karenderya dahil nga masilan ang pinagbubuntis niya. Mahina ang kapit ng bata at palagi siyang dinudugo which is hindi normal para sa isang buntis.
Gusto na niyang umuwi sa kanila pero natatakot siyang bumiyahe baka matagtag lalo ang bata. Halos tatlong buwan na asa kama lang siya. Pag nagcracraving siya ay tinatawag
