Dahil sa panghihikayat ni ate Vicky kaya nagdesisyon na rin akong bumalik sa garden kung saan naghihintay ang mga guests. Tinulongan niya akong ayusin muli ang nagulong buhok at nasirang make up. Magkasabay kaming nagtungo sa garden pero hindi pa man kami nakakarating doon ay agad kaming sinalubong ni Nanay. Sa likod niya ay nakasunod si Tatay. Base sa reaksyon niya ay alam kong galit siya.
“Elyse, sabihin mo nga sa akin? Ano bang nangyayari?” nahimigan ko ang tinitimping galit sa boses niya at alam kong dahil nakita niya si Dom.
“Nay! Diba sabi ko sayo ako na ang kakausap kay bunso?” salo agad ni Ate Vicky.
“Hindi!” Singhal ni Nanay sa kaniya pagkatapos ay ako naman ang binalingan. “Hindi ko na alam kung ano ang gagawin ko sayong bata ka! Bakit nandito ang lalaking ‘yon at kasama pa ni
