NAGULAT si Amarah nang paglabas niya sa maliit na eskinita ng bahay nila ay nakita niya si Kuya Chito na naghihintay doon. Nakatayo ito sa harap ng itim na kotse ni Daxton. At mukhang naroon ang lalaki dahil sa kanya.
"Good morning, Ma'am Amarah," bati nito sa kanya. Pagkatapos ay binuksan nito ang pinto sa gawi ng backseat.
Nanlalaki nga ang mga mata ng ilibot niya ang tingin sa paligid. At nakahinga siya ng maluwag nang makitang wala doon ang mga tsismosang kapitbahay nila. At bago pa siya makita ng mga ito ay mabilis siyang pumasok sa loob ng kotse.
"Kuya Chito, isarado niyo na po agad," wika niya dit ng tuluyang makapasok.
Nagtataka man ay agad namang isinarado ni Kuya Chito ang pinto. Pagkatapos niyon ay pumasok na din ito sa loob ng driver seat. "Kuya Chito, ano pong ginagawa n
