Jiro’s POV
“Aray ko! Ate Michiko, mag-ingat ka naman po! Sobrang sakit, Ate! Parang dinadagdagan mo lang ang sugat sa mukha ko!” pagrereklamo ko sa kanya dahil ang sabi naman niya ay gagamutin niya ang sugat dahil sa mga suntok ni Caloy pero sobrang diin niyang magpahid ng gamot kaya halos hindi naman niya iyon maituloy dahil sa paglayo ko.
Imbes na dahan-dahanin niya ay mas bumigat pa ang kamay niya. “Napaka-pasaway mo kasi! Mabuti na lang at nakita ka ni Aleina dahil kung hindi ay baka balikan ka pa ng mga siraulong gumawa ng ganiyan sa iyon!” Kanina pa rin niya ako pinagagalitan at pina-aamin nga ako kung totoo raw bang may sumugod lang sa akin at kung totoo ba na hindi ako nakipag-away.
Hindi ko na rin sinabi na kilala ko kung sino ang may gawa sa akin nito dahil ang gusto lang nama
