Sinunod ko ang utos niya. Sa may hagdan ko itinutok ang ilaw. Dahan-dahan at maingat niyang inangat ang harang na pabilog. Bago pa tuluyang maalis ang harang ay itinutok ko na ang flash light sa sahig. Kabisado na din naman namin ang dadaanan.
Sumilip muna siya sa itaas, marahil ay upang matiyak na walang bantay. Sumenyas siya sa amin na sumunod kami bago siya lumabas sa butas. Nanatiling nakatutok sa sahig ang flash light na hawak ko para kahit papaano ay maaninag kami ni Sir Orson.
“Angel, ibigay mo kay Tine ang ilaw. Kumapit ka sa kamay ko para mahila kita paakyat.”
“Sige.” Inabot ko ang kamay niya matapos kong ibigay ang flash light kay Ma’am Celestina.
Pinagmasdan ko ang paligid nang makaakyat ako. Hindi kami agad mapapansin sa kinaroroonan namin dahil nahaharangan kami ng pun
