Naunang nagising si Maurin. Maaga pa. Hindi pa nga sumisikat ang araw. Her instinct told her na manatili sa kama. Nang kumilos si Vince at abutin siya, lalo naman siyang sumiksik sa dibdib nito.
Kontento niyang ipinikit ang mga mata.
Pero alam ni Maurin na hindi na siya makakatulog. Nang mangawit sa posisyon, dahan-dahan siyang humiwalay sa lalaki. Bahagya pang humabol ang kamay nito pero hanggang doon lang. Himbing na himbing pa rin ito.
Kumuha siya ng tuwalya at pumasok sa banyo. May maliit na relo roon at nakitang wala pang alas-sais. May oras pa siyang magbabad sa bathtub.
Kalahating oras na inilubog ni Maurin ang sarili sa maligamgam na tubig. Tapos na niyang asikasuhin ang sarili nang ibalik sa holder ang kanyang toothbrush. Siyempre, naroroon din ang toothbrush ni Vince. Wala-sa
