“Wala pong anuman,” matipid na sagot ni Lesandro na sinabayan ng pagtango.
“Kailan n’yo po napag-usapan ang tungkol diyan?” usisa ko kay mama.
“Kaninang umaga lang, mga alas sais yata ’yon. Tumawag siya sa akin, kinumusta niya kami dito ng mga tauhan niya.” Tulog pa ako ng mga oras na ’yon nang tumawag siya kay mama.
Tila may humaplos sa puso ko sa simpleng pangangamusta niya kay mama. Pero agad ko ding ipinilig ang ulo nang maalala na naririto din pala ang mga tauhan niya. Marahil isa din ’yon sa dahilan.
“Sige na anak, magluluto na ako. Ikaw na ang bahala dito.”
Nagpaalam muna si mama sa magkapatid pati na din kay Colt bago pumasok sa kusina. Maya-maya ay dumating naman si Camille na palinga-linga na parang may hinahanap.
“Anteh, nasaan na ’yong isang kasama dito ni Tita Athe
